Angebot

Üse fein Brunch

Uf Voramäudig (mind. 2 Tag vorhär)
Ä feine Brunch mit früsche u regionale Produkt

Gantrisch-Brunch

CHF 29.50

Es warms Getränk nach Wahl
Es Gipfeli, es Maggiabrötli, zwe Schibe Roggebrot
Chli Anke, Gonfi u Honig
Feine Chäs u Fleisch us dr Region
Orangesaft u Thurnewasser

Gute-Laune-Brunch

CHF 28.00

Es warms Getränk nach Wahl
Es Maggiabrötli, zwe Schibe Roggebrot
Chli Anke, Gonfi u Honig
Früsch gmachti Pancakes, Müesli, Joghurt u Frücht
Orangesaft u Thurnewasser

Säubergmachts Süesses

Üsi süesse Kreatione si aui säuber gmacht u es git loufend wieder öpis angers.
Zum Bispiel vo Brownie, schwedischem Rüeblichueche über Zitrone-Polentaturte zu Eierlikör-Guguhopf oder Cheesecake bis hin zur brönnte Greme....! U wiu mir lieber nüt wei wäg keie gits ä usgsuechti Uswahl u äs het so lang's het.

Smörrebröd

Ä chlini kulinareschi Kunstform us Dänemark!

anniS Smörrebröd gits mit Fleisch, Chäs, Ei oder ou vegan. Si wärde mit saisonale u regionale Zuetate u mit viu Liebi zum Detail früsch zuebereitet u dekoriert.

Die feine, ässbare Kunstwärk gits am Samschtig u Sunntig.

Brotigs

Feini französeschi Buttergipfeli oder es Brötli - mit eme Kafi oder Tee zäme - weisch wie isch das ä guete Start i Tag?

Für di bsundere Aläss oder uf Bstellig gits ou säubergmachts Focaccia.

Üsi feine Glace

saisonal - regional - phänomenal

Glace

Caffè, Cioccolato, Stracciatella, Pistacchio, Vaniglia, Yogurt con Frutti di Bosco

Sorbet

Fragola, Frutta di Passione, Mango

Üses Getränkeagebot

Je nach Saison gits ono spezielli Agebot

Warmi Getränk

Kafi, Espresso (gits o dopplet), Cappuccino (klassisch, ohni Schoggi), Latte Macchiato, Thurne-Schale (im extragrosse Tassli), Chai Latte, Ovi u Schoggi, Glüewasser u viu verschiedeni Tee

Chauti Getränk (offe)

Thurnewasser, Sirup (Monin, Le Sirupier de Berne), Ischtee, Schorle, Wiise u rote Wy us dr Schwiz, prickelnde Prosecco

Chauti Getränk (im Fläschli)

Minerauwassser (mit und ohni Blätterli), Cola, Cola zero, Rivello rot u blau, Schweppes Tonic u Bitter Lemon, Gazzosa Limone, Mandarino u Pompelmo, Crodino, alkoholfreis Bier, Suure Moscht, Panaché, Bärner Müntschi

Üsi feine Teesorte

Di lose Teeblettli/Chrütter wärde diräkt im Tassli oder im hübsche Chänneli serviert

Gschmeidig Wiis (Wiistee)

Häu, grossblettrig, liecht süess u süürlech mit typischer Würzi vom rohe Teeblatt

Luscht uf Marokko (Chrüttertee)

Eifach ä erfrüschendi Sach, die feine Blettli vor marokkanische Münze

Typisch Grüen (Grüentee)

Näbem typische Gschmack vom grüene Tee gits herb-früschi, süessi u fruchtegi Note

Bärner Rose (Chrüttertee)

Wär kenntne nid? Öpfeli, Karakade, Rosebletter, Lindeblüete u Brönnessle, chli Zimet

Wind u Schnee (Oolongtee)

Nachem schüttle u oxidiere heter ä brotigi Note übercho, schmöckt vou u bluemig

Zyt für Wellness (Chrüttertee)

Ä churzi Uszyt mit Brönnessle, Hagebutte, Ringublüemli, Löwezahn u chli Münze

Schwarz wie d Nacht (Schwarztee)

Umhüllend weich, dunkel u vou. Nume es bitzeli herb

Wermi vo inne (Chrüttertee)

Scharfe Ingwer u süessi Öpfustückli kombiniert mit Zitronethymian

Grositee (Schwarztee)

Ganz eifach süfig, Earl Grey mit em typische Bergamotteduft

Farbigs Füürwärk (Chrüttertee)

Ä Überraschig us Öpfumünze, Malve u Rosebletter

Isegi Sach (Chrüttertee)

Feini schwizer Verveinebletter, elegant u mitere zarte Zitrusnote für ne feine Gnuss

Bluemewunder (Schwarztee)

Optisch einzigartig u böimig im Aroma mit Jasminduft